- Misli Premyer liqa
- 11:44 16.03.2026
AFFA İntizam Komitəsi "Sabah" klubunu 800 manat məbləğində cərimələyib.
Corner.az-ın məlumatına görə, buna Masazır təmsilçisinin 4 futbolçusunun "Zirə"yə qarşı Azərbaycan Premyer Liqasının 28-ci tur oyununda sarı vərəqə görməsi səbəb olub.
"Keşlə" də "Qəbələ" ilə matçda baş verən analoji hadisəyə görə eyni məbləğdə cərimə olunub. Bundan başqa, görüşün 75-ci dəqiqəsində paytaxt təmsilçisinin paraqvaylı futbolçusu Sezar Meza Kolli kobud oyuna görə birbaşa qırmızı vərəqə ilə meydançadan kənarlaşdırıldığı üçün 2 oyunluq cəza alıb, klub isə 1600 manat cərimə ödəyəcək.
“Səbail”in müdafiəçisi Adil Nağıyev isə “Sumqayıt”a qarşı matçda ikinci sarı vərəqə alaraq meydançadan kənarlaşdırıldığı üçün 1 oyunluq cəzalandırılıb, klubunu isə 200 manat xərcə salıb.
