Azərbaycan Kubokunun qalibi bəlli oldu

Azərbaycan kubokunda 2020/21 mövsümünün final oyunu keçirilib.

Corner.az xəbər verir ki,  “Bank Respublika Arena”da baş tutan həlledici matçda “Keşlə” və “Sumqayıt” komandaları qarşılaşıb

Finalçılar ölkə kubokunda indiyədək yalnız bir dəfə üz-üzə gəlmişdilər. 

Görüşdə hesabı “Sumqayıt” açsa da, qalan dəqiqələrdə iki qol vuran “Keşlə” əzmkar qələbə qazanıb. Beləcə, “Keşlə” tarixində ikinci dəfə Azərbaycan kubokunun qalibi olub. “Sumqayıt” isə ikinci dəfə oynadığı kubokun finalında yenə uduzub.

Azərbaycan kuboku
Final
24 may

“Keşlə” – “Sumqayıt” 2:1
Qol: Ş.Əliyev, 37. M.Boyoviç, 57 – M.Boyoviç, 3-öz qapısına.
Hakimlər: Əliyar Ağayev, Zeynal Zeynalov, Akif Əmirəli, Elçin Məsiyev.
Ehtiyat köməkçi hakim: Elşad Abdullayev.
Masazır. “Bank Respublika Arena”.