Sabah legioneri ilə müqavilənin müddətini uzatdı

"Sabah" klubu futbolçusu Xulio Rodrigeslə müqavilənin müddətini uzadıb.

Corner.az  klubun rəsmi saytına istinadən xəbər verir ki, paraqvaylı hücumçu ilə bir illik yeni sözləşmə imzalanıb.

31 yaşlı oyunçu ötən ilin fevralında "Sabah"a keçib. O, başa çatan mövsümdə Azərbaycan Premyer Liqasında 25 oyunda 3 qol vurub, 4 məhsuldar ötürmə ilə yadda qalıb.

Qeyd edək ki, "Sabah" daha əvvəl Təmkin Xəlilzadə, Məhəmməd Mirzəbəyov, Amadu Diallo, Alvaro Vilyete, Dmitro Klots və Kevin Kubemba ilə də vidalaşıb. Ramin Quliyevin baş məşqçi olduğu komanda “Zirə”dən Elvin Camalovu heyətinə qatıb.