Sumqayıt klubu 2 futbolçusu ilə müqaviləni uzatdı - YENİLƏNİB

"Sumqayıt" daha bir futbolçusu ilə müqavilənin müddətini uzadıb.

Corner.az klubun rəsmi saytına istinadən xəbər verir ki, "gənclik şəhəri" təmsilçisi 23 yaşlı yarımmüdafiəçi Murad Xaçayevlə 2 illik yeni sözləşmə imzalayıb.

2018-ci ildən "Sumqayıt"ın şərəfini qoruyan Xaçayev ümumilikdə 32 oyunda (2293 dəqiqə) meydanda olub və 4 qol vurub. O, Azərbaycanın U-19, U-21 və əsas millilərində də çıxış edib.

***

2021/22 mövsümü üçün transfer çalışmalarını davam etdirən “Sumqayıt” kapitanı Vurğun Hüseynovla müqaviləni yeniləyib.

Corner.az klubun rəsmi saytına istinadən xəbər verir ki, 33 yaşlı müdafiəçi növbəti mövsümdə də "gənclik şəhəri" təmsilçisinin uğurları üçün çalışacaq.

Qeyd edək ki, Vurğun Hüseynov “Sumqayıt”ın tarixində ən çox oyun keçirən futbolçudur.