Neftçi ilk transferini rəsmiləşdirdi

“Neftçi” mövsümlərarası fasilədə ilk transferini rəsmiləşdirib.

Corner.az klubun rəsmi saytına istinadən xəbər verir ki, paytaxt təmsilçisi paraqvaylı futbolçu Sezar Meza Kollini heyətinə qatıb.

29 yaşlı yarımmüdafiəçi ilə 2 illik - 2022/2023-cü illər mövsümünün sonunadək müqavilə imzalanıb. O, flaqmanın heyətində 10 nömrəli forma ilə çıxış edəcək.

Qeyd edək ki, son klubu "Keşlə" (2013-2016, 2018, 2019-2021) olan Sezar Meza Kolli 2016/2017 mövsümündə “Zirə”də oynayıb. O, bundan başqa İtaliyanın “Çezena” (2011-2012), “Pavia” (2012-2013), İspaniyanın “Alaves” (2012) və Rumıniyanın “Universitatya Krayova” (2018) klublarında çıxış edib.