- Misli Premyer liqa
- 16:52 07.08.2026
2021/22 mövsümü üçün transfer çalışmalarını davam etdirən “Sumqayıt” klubu daha bir futbolçusu ilə müqavilə müddətini artırıb.
Corner.az klubun saytına istinadən xəbər verir ki, mərkəz müdafiəçisi Höccət Haqverdi daha 2 mövsüm “Sumqayıt”ın şərəfini qoruyacaq. 28 yaşlı futbolçu ilə müqavilə 2023-cü ilin yayına qədər nəzərdə tutulub.
Höccət Haqverdi ötən mövsüm “Sumqayıt”la 15 oyunda meydana çıxıb. O, həmçinin Azərbaycan millisinin son təlim-məşq toplanışı çərçivəsində Belarus və Moldova ilə keçirdiyi oyunlarda da çıxış edib.
