Sloveniyada təlim-məşq toplanışında olan “Neftçi” bu gün hazırlıq prosesi çərçivəsində ilk yoxlama oyununa çıxıb.
Corner.az xəbər verir ki, Samir Abasovun komandası Sloveniyanın “Olimpiya” komandası ilə qarşılaşıb.
Lyublyana təmsilçisi ilə görüş “Kodeljevo Sport Ljubljana” stadionunda keçirilib. Oyunda hesabı “Neftçi” açıb. Amma 1-ci dəqiqədə vurulan həmin qola cavab elə 1 dəqiqə sonra verilib. Qalan dəqiqələrdə isə başqa qol qeydə alınmayıb və görüş heç-heçə ilə başa çatıb.
“Neftçi” toplanış çərçivəsində daha iki yoxlama oyunu keçirəcək. “Ağ-qaralar” iyunun 25-də Macarıstanın “Fehervar” komandası ilə üz-üzə gələcək. Sonuncu sınaq matçı isə ayın 29-da Moskva “Spartak”ına qarşı olacaq.
Yoxlama oyunu
21 iyun
Olimpiya (Sloveniya) – Neftçi 1:1