Sabah da hazırlıqlara start verdi

“Sabah” yeni mövsümün hazırlığına start verib.

Corner.az xəbər verir ki, sözügedən komanda bu gün “Bank Respublika Arena”nın əsas meydançasında ilk məşqinə çıxıb.

Məşq zamanı futbolçular müxtəlif fiziki təmrinləri yerinə yetiriblər.

Qeyd edək ki, “Sabah”ın Bakı toplanışı iyulun 14-nə kimi davam edəcək. Ramin Quliyevin yetirmələri toplanış çərçivəsində iyulun 9-da “Bank Respublika Arena”da “Zirə” ilə yoxlama oyununda qüvvəsini sınayacaq. İyulun 15-də isə komanda Gürcüstanın Tiflis şəhərinə yola düşəcək. Yay təlim-məşq toplanışının ikinci mərhələsini əhatə edəcək Tiflis toplanışı iyulun 29-na qədər davam edəcək.