Səhvlərimiz var - Ayxan Abbasov

“Sumqayıt”ın baş məşqçisi Ayxan Abbasov Türkiyə toplanışı çərçivəsində bu gün yerli “Keçiörengücü”nə qarşı keçirdikləri yoxlama görüşünün şərh edib.

Corner.az xəbər verir ki, 39 yaşlı mütəxəssis, 1:2 hesabıyla uduzduqları matçdan sonra bunları söyləyib:

“İyulun 2-də başladığımız Türkiyə toplanışında bu gün ilk yoxlama oyunumuzu keçirdik. Ümumilikdə götürsək, iki fərqli hissə izlədik. 90 dəqiqədə bütün futbolçularımın hazırlıq səviyyələrini görmək istəyirdim. Uşaqların yorğun olmaqlarına baxmayaraq, meydançanın hər qarışı uğrunda yaxşı mübarizə getdi. Səhvlərimiz var, çalışacağıq ki, növbəti oyunlarda həmin səhvləri aradan qaldıraq və toplanışın sonunda tam hazır vəziyyətdə Sumqayıta qayıdaq”.