Futbolçulara da demişəm artırmalıyıq - Ayxan Abbasov

“Sumqayıt”ın baş məşqçisi Ayxan Abbasov Azərbaycan Premyer Liqasının 1-ci turu çərçivəsində “Keşlə”yə qarşı keçirdikləri oyunla bağlı fikirlərini bölüşüb.

Corner.az xəbər verir ki, 39 yaşlı mütəxəssis,  2:0 hesabıyla qalib gəldikləri matçı belə şərh edib:

“Yeni mövsümün startı münasibətilə hər kəsi təbrik edirəm. Futbol üçün darıxmışdıq. Azarkeşlərə icazə verildiyi üçün təşəkkür edirəm. Futbolun bəzəyi fanatlardır.

Hər iki komandanın qol epizodları oldu. Çempionatın əvvəlidir, gərginlik də var idi. İki tur belə ağır keçəcək. Futbolçulara da demişəm, artırmalıyıq, fərqli olmalıyıq. Mövsümün ilk matçında, səfərdə qələbə qazanmaq çox önəmli idi. Yolumuza davam edirik”.