"Keşlə”nin baş məşqçisi Sənan Qurbanov Azərbaycan Premyer Liqasının 1-ci turu çərçivəsində “Sumqayıt”a qarşı keçirdikləri oyunla bağlı fikirlərini bölüşüb.
Corner.az xəbər verir ki, o, 0:2 hesabıyla uduzduqları matçı belə şərh edib:
“İlk oyun idi. Matça bir az gərgin başladıq. İkinci hissəni isə bizim aktivimizə yazmaq olar. Futbolun tərs üzü ilə rastlaşdıq, əlimizə düşən şanslardan yararlana bilmədik. Rəqib isə əksinə, ələ düşən şanslardan yararlana bildi. Hesab oyuna görə olmadı. İkinci hissəni hücumda keçirdik, "Sumqayıt" daha çox müdafiə olundu. Üzülürük, amma gələcəyə baxmaq lazımdır. Başa düşürük ki, qalib gəlmək lazım idi. Çox qol imkanından yararlanmamağımız bizi üzdü”.
