Rəqibin səhvini gözlədik - Rəşad Sadıqov

"Zirə”nin baş məşqçisi Rəşad Sadıqov Azərbaycan Premyer Liqasının 2-ci turu çərçivəsində “Neftçi”yə qarşı keçirdikləri oyunla bağlı fikirlərini bölüşüb.

Corner.az xəbər verir ki, 39 yaşlı mütəxəssis, doğma meydanda 1:2 hesabıyla uduzduqları matçdan sonra baş tutan mətbuat konfransında görüşü belə şərh edib:

“Maraqlı oyun oldu. Xüsusilə, ikinci hissə yaxşı alındı. Hava şəraiti ilk yarıda tempə təsir edirdi. Oyun bizim üçün pis getmirdi. Rəqibin səhvini gözləyirdik. Oyunu bərabərləşdirdiyimiz anda o cür qol buraxmağımız komandaya pis təsir etdi. Ancaq oyundan qopmadıq. Əks-hücumdan qol buraxdıq. Bununla belə, mübarizə apardıq. Hesab arasındakı fərqi azaltsaq da, məğlubiyyətdən qaçmaq üçün vaxt yetmədi. “Neftçi”ni qələbə münasibətilə təbrik edirəm”.