Neftçi Qarabağ'a, Sumqayıt Səbail'ə uduzdu

Azərbaycan Premyer Liqasında 3-cü turun oyunlarına yekun vurulub. Corner.az xəbər verir ki, sonuncu oyun günündə də iki qarşılaşma keçirilib.

Əvvəlcə “Səbail” doğma meydanda “Sumqayıt”ı qəbul edib. Meydan sahibləri bu oyundan minimal hesabla qələbə qazanıb.

Turun mərkəzi oyunu isə son çempion “Neftçi” doğma meydanda əzəli rəqibi “Qarabağ”la qarşılaşıb. Üç qolun qeydə alındığı oyunda qonaqlar qələbə qazanıb.

Xatırladaq ki, ilk oyun günündə “Sabah” “Qəbələ”yə, “Keşlə” isə “Zirə”yə eyni hesabla (0:2) uduzub.

Azərbaycan Premyer Liqası
3-cü tur
12 sentyabr

“Səbail” – “Sumqayıt” 1:0
Qol: C.Əmirli, 64.
Hakimlər: Vüqar Həsənli, Elşad Abdullayev, Pərvin Talıbov, Elçin Məsiyev.
Bakı. “ASCO Arena”, 18:00.

"Neftçi” – “Qarabağ” 1:2
Qol: E.Mahmudov, 47 – V.İbrahima, 21; 45.
Hakimlər: Rəşad Əhmədov, Cavanşir Yusifov, Rahil Ramazanov, Kamal Umudlu.
Bakı. “Bakcell Arena”, 20:30.