Keşlə ilk xalını Qarabağ'la oyunda qazandı, Zirə Səbail'ə qalib gəldi

Bu gün Azərbaycan Premyer Liqasında 5-ci turun oyunlarına start verilib.

Corner.az xəbər verir ki, ilk oyun günündə iki qarşılaşma keçirilib. Açılış matçında turnir cədvəlində sonuncu olan “Keşlə”  doğma meydanda “Qarabağ”ı qəbul edib. Hesabı Ağdam təmsilçisi açsa da, meydan sahibləri məğlubiyyətdən qaçaraq yeni mövsümdəki ilk xalını qazanıb.

Günün digər oyunu Bayılda keçirilib. “Səbail” burada “Zirə”ni sınağa çəkib.Üç qolun qeydə alındığı bu görüşdə isə qonaqlar qələbə qazanıb.

Turun digər oyunları sabah keçiriləcək.

Azərbaycan Premyer Liqası, 5-ci tur

25 sentyabr

Keşlə – Qarabağ 1:1
Qol: A.Neto, 71 – A.Zubir, 20.
Hakimlər: Fərid Hacıyev, Rahil Ramazanov, Kamran Bayramov, İnqilab Məmmədov
Hakim-inspektor: Asim Xudiyev
AFFA nümayəndəsi: Məmmədəli Məmmədov
ASK Arena, 17:00

______________________________________________________________________________________________________________________________

Səbail – Zirə 1:2
Qol: Y.Qoxa, 45 – D.Volkov, 16; 40.
Hakimlər: Kamal Umudlu, Cavanşir Yusifov, Müslüm Əliyev, Rəşad Əhmədov
Hakim-inspektor: İmanxan Sultani
AFFA nümayəndəsi: İlham Əliyev
“ASCO Arena”, 19:15