Sabah və Neftçi ikinci dövrəyə qələbə ilə başladı

Azərbaycan Premyer Liqasında 8-ci turun oyunlarına start verilib.

Corner.az xəbər verir ki, ilk oyun günündə iki qarşılaşma baş tutub.

Turun açılış matçında “Sabah” doğma meydanda “Sumqayıt”ı qəbul edib. Bir neçə gün əvvəl baş məşqçi Ramin Quliyevlə yollarını ayıran “Sabah”ı bu matça İqor Ponomaryov çıxarıb. Görüş meydan sahiblərinin qələbəsi ilə yekunlaşıb.

Günün son matçında “Neftçi” doğma meydanda “Zirə”ni qəbul edib. Bu oyunda hesabı qonaqlar açsa da, meydan sahibləri əzmkar qələb qazanıb.

Turun digər qarşılaşmaları sabah və birisi gün keçiriləcək.

Azərbaycan Premyer Liqası, 8-ci tur

23 oktyabr

Sabah – Sumqayıt 3:0
Qol: T.Fofana, 60; 83. C.Nuriyev, 79.
Qırmızı vərəqə: Murad Xaçayev, 11 (Sumqayıt)
Hakimlər: İnqilab Məmmədov, Rahil Ramazanov, Rəhman İmami, Rauf Cabarov
Hakim-inspektor: Munis Abdullayev
AFFA nümayəndəsi: Məmmədəli Məmmədov
“Bank Respublika Arena”, 16:00

Neftçi – Zirə 2:1
Qol: S.M.Kolli, 39. M.Abbasov, 84 – A.Ramazanov, 6.
Hakimlər: Rəvan Həmzəzadə, Namiq Hüseynov, Cəmil Quliyev, Tural Qurbanov
Hakim-inspektor: Ömər Paşayev
AFFA nümayəndəsi: Eldəniz Musayev
8-ci km stadionu, 18:15