Qarabağ Neftçi'yə, Zirə Keşlə'yə qalib gəldi

Bu gün Azərbaycan Premyer Liqasında 9-cu turun oyunlarına start verilib.

Corner.az xəbər verir ki, ilk oyun günündə iki qarşılaşma keçirilib. Turun açılış matçında “Zirə” doğma meydanda “Keşlə”ni qəbul edib və inamlı qələbə qazanıb.

Turun mərkəzi görüşü Suraxanıda baş tutub. Lider “Qarabağ” doğma meydanda son çempion “Neftçi” ilə üz-üzə gəlib.

Komandalar arasında ilk dövrədə baş tutan oyunda “Qarabağ” 2:1 hesablı qələbə qazanmışdı. Bu oyunda da Ağdam təmsilçisi böyük hesabla qələbəyə sevinən tərəf olub– 4:0.

Turun digər oyunları sabah keçiriləcək.

Azərbaycan Premyer Liqası, 9-cu tur

30 oktyabr

Zirə – Keşlə 2:0
Qol: Loris Broqno, 17. Ağabala Ramazanov, 42.
Qırmızı vərəqə: Tural Axundov, 90+4.
Hakimlər: Rəşad Əhmədov, Cavanşir Yusifov, Eyyub İbrahimov, Kamal Umudlu
Hakim-inspektor: İmanxan Sultani
AFFA nümayəndəsi: Aslan Şahgəldiyev
Zirə İdman Kompleksinin stadionu, 16:00

Qarabağ – Neftçi 4:0
Qol: Filip Ozobiç, 10; 23-pen. Abdullah Zubir, 14. M.Veşoviç, 90+2.
Hakimlər: Əliyar Ağayev, Akif Əmirəli, Müslüm Əliyev, Vüqar Həsənli
Hakim-inspektor: Ömər Paşayev
AFFA nümayəndəsi: Seymur Səlimli
“Azersun Arena”, 18:30