Qurban Qurbanovun 350-ci qələbəsi

“Qarabağ”ın baş məşqçisi Qurban Qurbanov karyerasında 350-ci qələbəyə sevinib.

Corner.az Peşəkar Futbol Liqasının rəsmi saytına istinadən xəbər verir ki, bu, Premyer Liqanın IX turunda “Neftçi” ilə matça təsadüf edib.

Baş məşqçi karyerasına “Neftçi”də başlayan 49 yaşlı mütəxəssis ilk qələbəsini bu komanda ilə əldə edib. 2006-cı il avqustun 6-da onun komandası “Gənclərbirliyi” ilə çempionatdakı ev görüşündə 6:1 hesablı qələbəyə sevinib. Qurbanov 15 illik baş məşqçi karyerasında üç komandada işləyib.

O, “Neftçi” ilə 25, “Qarabağ”la 321, Azərbaycan milli komandası ilə 4 qələbənin sevincini yaşayıb.

Qeyd edək ki, "Qarabağ" "Neftçi"ni 4:0 hesabı ilə üstələyib.