Mahmud Qurbanov: Neftçi'dəki yerli futbolçular zəif deyil

"Neftçi"də yerli futbolçuların zəif olduğunu deyə bilmərəm. Bu, başqa klublara baxanda belə deyil".

Corner.az-ın məlumatına görə, bunu "Nefçi-2"nin baş məşqçisi Mahmud Qurbanov əsas komanda ilə bağlı danışarkən deyib.

48 yaşlı mütəxəssis futbolda axsamaların qaçılmaz olduğunu vurğulayıb: "Biz hansısa insanın ideal olduğunu deyə bilmərik. Axsamalar olur və bu o demək deyil ki, oyunçular keyfiyyətsizdir".

Qeyd edək ki, "Neftçi"nin baş məşqçisi Samir Abasov "Qarabağ"a 0:4 hesabı ilə uduzduqları Azərbaycan Premyer Liqasının IX tur oyunundan sonra mətbuat konfransında komandasındakı yerli oyunçuların istənilən səviyyədə olmadığını söyləyib.