- Misli Premyer liqa
- 11:11 23.10.2024
"Öz ölkəmin bayrağı altında oynaya biləcəyim üçün sevincliyəm. Bu, mənim üçün həqiqətən böyük xoşbəxtlikdir".
Cormer.az-ın məlumatına görə, bunu "Zirə"nin futbolçusu Davit Volkov Gürcüstan millisinə dəvət alması barədə "Lelo" nəşrinə müsahibəsində deyib.
26 yaşlı hücumçu son iki mövsümdə Azərbaycan Premyer Liqasındakı çıxışı yığmaya çağırılmasında mühüm rol oynadığını bildirib: "Belə bir gözləntim var idi. Mən məşqlərdə öz işimlə məşğul olmalıyam. Oynayıb-oynamayacağıma isə baş məşqçi qərar verəcək".
Volkov "Zirə"də özünü yaxşı hiss etdiyini vurğulayıb: "Bu komandada öz oyunumu tapdım. Rəşad Sadıqov kimi baş məşqçinin rəhbərliyi altında çox şey öyrənmək və hər gün inkişaf etmək olar".
Forvard cari mövsümdə qarşısına qol sayı ilə bağlı hədəf qoymadığı sözlərini də əlavə edib: "Bunu edə bilmərəm. Çünki vurduğum hər qol önəmlidir və mənə sevinc bəxş edir".