“Keşlə”nin futbolçusu Felipe Santos Premyer Liqada “Səbail”ə qarşı keçirdikləri oyundan sonra fikirlərini bildirib. Corner.az xəbər verir ki, braziliyalı yarımmüdafiəçi “İnstaqram” hesabında paylaşım edərək bunları qeyd edib:
“Vurduğum qola görə şadam, amma nəticəyə görə yox. Hansı ki, son dəqiqədə qələbəni əldən verdik. Hələ 2021-ci il sona çatmayıb. Sona qədər mübarizə aparacam”.
“Keşlə” – “Səbail” matçı 2:2 hesabıyla bitib. Felipe bu oyunda penaltidən fərqlənib.
