Neftçi xal itirdi, Zirə Qəbələ'yə uduzdu

Bu gün futbol üzrə Azərbaycan Premyer Liqasında 13-cü turun oyunlarına yekun vurulub. Corner.az xəbər verir ki, sonuncu oyun günündə daha iki görüş baş tutub.

“Neftçi”  doğma meydanda “Sumqayıt”la qarşılaşıb. Bu matçda qapılara qol vurulmayıb. Turun qapanış matçında isə “Zirə” doğma meydanda “Qəbələ”ni qəbul edib. Üç qolun qeydə alındığı bu matçda isə qonaqlar qələbəyə sevinib.

İlk oyun günündə keçirilmiş “Keşlə” – “Səbail” matçında qalib müəyyənləşməyib – 2:2. “Qarabağ” isə “Sabah”ı 5:1 hesabıyla məğlub edib.

Azərbaycan Premyer Liqası
13-cü tur
5 dekabr

“Neftçi” – “Sumqayıt” 0:0
Hakimlər: Vüqar Həsənli, Pərvin Talıbov, Eyyub İbrahimov, Tural Qurbanov.
Bakı. “Bakcell Arena”, 16:00.

“Zirə” – “Qəbələ” 1:2
Qol: D.Volkov, 45+4 – Ü.Abbasov, 32. R.Muradov, 40.
Qırmızı vərəqə: O.Hani, 86.
Hakimlər: Elçin Məsiyev, Elşad Abdullayev, Kamran Bayramov, Kamal Umudlu.
Zirə İdman Kompleksinin stadionu, 18:15.