Keşlə'ylə Sabah da 1/4 finalda!

Azərbaycan kubokunda 1/8 final mərhələsinə yekun vurulub. Corner.az xəbər verir ki, sonuncu oyun günündə daha iki qarşılaşma baş tutub.

“Keşlə” “Qaradağ Lökbatan”la, “Sabah” “Kəpəz”lə qarşılaşıb. Hər iki görüşdə də Premyer Liqa təmsilçiləri qələbə qazanaraq sürprizə imkan verməyiblər.

Xatırladaq ki, ilk oyun günündə “Səbail” səfərdə “Zaqatala”ya 3:1, “Qəbələ” isə MOİK-ə 2:1 hesabıyla qalib gələrək 1/4 finala yüksəlib.

Azərbaycan kuboku
1/8 final
11 dekabr

Keşlə – Qaradağ Lökbatan 2:1
Qol: Samir Abdullayev, 32. Rəhman Hacıyev, 58 – Elnur Səmədov, 7.
Hakimlər: Rauf Allahverdiyev, Cavanşir Yusifov, Müslüm Əliyev, Elçin Məsiyev.
Bakı. “ASK Arena”. Saat 15:00.

Sabah – Kəpəz 3:0
Qol: Coy-Lens Mikels, 57; 61. Kamran Quliyev, 90+2.
Hakimlər: Nicat İsmayıllı, Cəmil Quliyev, Vüsal Məmmədov, Kamranbəy Rəhimov.
Masazır. Bank Respublika Arena. Saat 18:00.