“Neftçi” bu gün qış fasiləsinə yollanacaq. Corner.az xəbər verir ki, 2021-ci ilə Qəbələdə yekun vuracaq paytaxt təmsilçisi dəyişikliklər astanasındadır.
Son 5 turda qeydə alınan uğursuz nəticələrlə çempionluq yolunda ağır zərbə alan komandada islahatlar qaçılmazdır. Baş məşqçi postunda qalacağına ümid bəsləyən Samir Abasovun bir müddət önsə klub rəhbərliyi ilə görüşmüşdü. Prezident Kamran Quliyevin qəbulunda olan çalışdırıcı onun transfer məsələlərini müzakirə edib, komandanı tərk edəcək futbolçularla bağlı fikir mübadiləsi aparıb.
Baş məşqçinin gözündən düşənlərin arasında istər yerli, istərsə də legionerlər yer alıb. Ümumiyyətdə, burada 7-8 nəfərdən söhbət gedir. Belə ki, Abasov yerlilərdən Mirabdulla Abbasov, Ömər Buludov, Kamran İbrahimov, legionerlərdən Roman Bask, Harramiz Soares, Mamadu Mbodj və İvan Korrea ilə yola davam etməkdə maraqlı deyil.(Sportinfo.az)
