"Azərbaycan Premyer Liqasının XIV turunun “Qəbələ” – “Neftçi” oyunundan (1:1) sonra “qırmızı-qaralar”ın baş məşqçisi Elmar Baxşıyevin oyunla bağlı fikirlərini bölüşüb. Corner.az xəbər verir ki, 41 yaşlı mütəxəssis görüşdən sonra keçirilən mətbuat konfransında matçı belə şərh edib:
“İlin son oyunu idi. Çətin olacağını bilirdik. “Neftçi” iddialı komandadır. Düşünürəm ki, maraqlı görüş alındı. Hər iki komanda açıq futbola üstünlük verdi. Epizodlara gəlincə, müəyyən qədər üstünlük bizdə idisə, ikinci hissədə “Neftçi”nin tərəfində oldu. Ümumi götürəndə komandanın çıxışından razı qaldım. Qazandığımız bir xaldır. Elə oyunlar olub ki, matç ərzində hər şey etmişik, amma uduzmuşuq. Qismətimizdə bu idisə, bununla da barışmalıyıq. “Neftçi” də qələbəyə layiq idi”.
