Azərbaycan Premyer Liqasında 14-cü tura yekun vurulub. Corner.az xəbər verir ki, 2021-ci ilin son turunun sonuncu oyun günündə iki qarşılaşma baş tutub.
Əvvəlcə çempionatın autsayderi “Səbail” doğma meydanda “Sabah”ı qəbul edib və məğlub olub.
Turun və ilin qapanış matçında isə lider “Qarabağ” doğma meydanda əsas rəqiblərindən biri olan “Zirə”ni qəbul edib. Ağdam təmsilçisi bu görüşdə inamlı qələbə qazanıb.
Xatırladaq ki, ilk oyun günündə “Qəbələ” - “Neftçi” matçı heç-heçə (1:1) bitib, “Keşlə” səfərdə “Sumqayıt”a 3:1 hesabıyla qalib gəlib.
Azərbaycan Premyer Liqası
14-cü tur
16 dekabr
“Səbail” – “Sabah” 0:3
Qol: C.L.Mikels, 33. C.Nuriyev, 46. X.Kamara, 90+4.
Hakimlər: Elçin Məsiyev, Elşad Abdullayev, Pərvin Talıbov, Kamranbəy Rəhimov.
Bakı. “ASCO Arena”, 16:30.
“Qarabağ” – “Zirə” 2:0
Qol: M.Qurbanlı, 6; 53.
Hakimlər: Rəvan Həmzəzadə, Cəmil Quliyev, Qəzənfər Məmmədov, İnqilab Məmmədov.
Bakı. “Azərsun Arena”, 19:00.
