Neftçi'də daha çox oynamaq və qollar vurmaq istəyirəm

"İndi özümü "Neftçi"də qarşıya qoyulan məqsədlərə çatmaq üçün daha hazır hesab edirəm".

Corner.az-ın məlumatına görə, bunu "Neftçi"nin futbolçusu Ramon Maçado ölkəsinin mətbuatına açıqlamasında deyib.

31 yaşlı hücumçu azarkeşlər artıq onun timsalında meydanda daha güclü və həlledici oyunçu görəcəklərini bildirib: "İnanıram ki, onların ümidlərini doğruldacağam".

Braziliyalı futbolçu 2022-ci ildən ümidli olduğunu söyləyib: "Neftçi"nin hədəflərinə çatması üçün daha çox oynamaq, qol vurmaq və faydalı olmaq istəyirəm".

Qeyd edək ki, Ramon Maçado "Neftçi" ilə 1 illik müqavilə imzalayıb.