- Misli Premyer liqa
- 11:11 23.10.2024
Türkiyədə təlim-məşq toplanışında olan “Qəbələ” bu gün Antalyadakı hazırlıq çərçivəsində ikinci yoxlama matçına çıxıb. Corner.az xəbər verir ki, Elmar Baxşıyevin çalışdırdığı kollektiv bu dəfə Şimali Makedoniya təmsilçisi “Boreç”lə üz-üzə gəlib.
“İC Santai” Futbol Mərkəzində baş tutan matç rəqibin heyətində futbolçu sayı az olduğundan 70 dəqiqə oynanılıb. Görüşün hər hissəsi 35 dəqiqədən ibarət olub.
“Qırmızı-qaralar” bu görüşdə minimal hesablı qələbə qazanıb. Yeganə qolu 11-ci dəqiqədə Omar Hani vurub.
Xatırladaq ki, “Qəbələ” qardaş ölkədəki ilk hazırlıq matçında Polşanın “Zaqlembe” komandasına 1:2 hesabıyla məğlub olmuşdu.
Yoxlama oyunu
21 yanvar
Qəbələ – Boreç 1:0
Qol: Omar Hani, 11.