Mövsümün qalan hissəsinə Bakıda hazırlaşan “Keşlə” sabah təlim-məşq toplanışı çərçivəsində daha bir yoxlama oyunu keçirəcək. Corner.az xəbər verir ki, Sənan Qurbanovun rəhbərlik etdiyi kollektiv Birinci Divizion təmsilçisi “Kəpəz”lə qarşılaşacaq.
Bu barədə Premyer Liqa klubunun mətbuat xidməti məlumat yayıb. Gəncə təmsilçisi ilə oyun Bakı Olimpiya Stadionunun ehtiyat meydançasında baş tutacaq. Oyuna saat 15:30-da start veriləcək.
Xatırladaq ki, “Keşlə” bu gün saat 15:00-da Bakı Olimpiya Stadionunun ehtiyat meydançasında “Səbail”lə də görüşəcək. Bu komandaların ötən həftə “Dalğa Arena”dakı qarşılaşması “Keşlə”nin 2:0 hesablı qələbəsiylə yekunlaşıb.
