Qəbələ Çexiya klubuna uduzdu

Türkiyədə təlim-məşq toplanışında olan “Qəbələ” bu gün hazırlıq çərçivəsində sonuncu yoxlama oyununa çıxıb. Corner.az xəbər verir ki, Elmar Baxşıyevin rəhbərlik etdiyi kollektiv Çexiyanın “Bohemians” komandası ilə qarşılaşıb.

Antalyadakı “İC Santai” Futbol Mərkəzində baş tutan qarşılaşma Azərbaycan klubu üçün uğursuz alınıb. Belə ki, dörd qolun qeydə alındığı matçda qəbələlilər məğlubiyyətlə üzləşib. Əyalət təmsilçisinin heyətində yeganə qolu 75-ci dəqiqədə penaltidən dəqiq yararlanan İsnik Alimi vurub.

Xatırladaq ki, “Qəbələ” bundan öncəki iki yoxlama oyununda Polşa “Zaqlembe”sinə 1:2 hesabıyla uduzub, Şimali Makedoniya “Boreç”inə 1:0 hesabıyla qalib gəlmişdi.

Yoxlama oyunu
24 yanvar

Qəbələ – Bohemians 1:3