"Qəbələ”nin üç futbolçusu hazırlıqda iştirak etmir. Corner.az xəbər verir ki, bu barədə klubun rəsmi saytı məlumat yayıb.
Rüfət Əhmədov komandanın Türkiyənin Antalya şəhərində təşkil olunan təlim-məşq toplanışına qatılıb. Lakin hazırlıq prosesi müddətində “qırmızı-qaralar”ın düşərgəsində olan müdafiəçi fərdi məşqlərlə kifayətlənib.
Digər iki oyunçu zədədən sonrakı bərpa prosesini komandadan ayrı keçir. Toplanışa yollanmayan Ürfan Abbasovla Yaovi Akakpo bərpa dövrünü Bakıda gerçəkləşdirir.
