Türkiyədə təlim-məşq toplanışında olan “Qarabağ” bu gün sonuncu yoxlama oyununu keçirib. Corner.az xəbər verir ki, Qurban Qurbanovun rəhbərlik etdiyi kollektiv Polşa “Visla”sı (Krakov) ilə qarşılaşıb.
İki komanda arasında əldə edilmiş razılığa əsasən, hazırlıq oyunu 3 hissədən ibarət olub. Görüşdə qapılara ümumiyyətlə qol vurulmayıb.
Xatırladaq ki, “Qarabağ” Antalyada bundan əvvəl üç yoxlama oyunu keçirib. Ağdam klubu Rumıniyanın “Qaz Metan” komandası ilə heç-heçə (0:0) edib, Serbiya “Baçka Topola”sı (0:1) və Polşa “Şlyonsk”una (2:3) isə uduzub.
Yoxlama oyunu
25 yanvar
Qarabağ – Visla 0:0