“Keşlə”nin Şamaxıya köçəcəyi tarix dəqiqləşib. Corner.az xəbər verir ki, bunu AFFA-nın icraçı vitse-prezidenti Elxan Məmmədov açıqlayıb.
Bu gün keçirilən AFFA-nın Konfransı və İcraiyyə Komitəsinin iclasından sonra mətbuat konfransı təşkil edən qurum rəsmisi bildirib ki, “Keşlə” martda Şamaxıda ev oyunlarını keçirməyə başlayacaq. Komanda həmin vaxtdan “Şamaxı” adı altında çıxış edəcək.
Məmmədov qeyd edib ki, bununla bağlı UEFA-ya sənədlər təqdim edilib və qurumun məsələylə bağlı qərarı gözlənilir.
