- Misli Premyer liqa
- 11:11 23.10.2024
"Artıq buradakı havaya öyrəşmişəm".
Corner.az-ın məlumatına görə, bunu "Qəbələ" klubunun braziliyalı futbolçusu Rafael Utriq ölkəsinin "Terra" nəşrinə açıqlamasında deyib.
24 yaşlı hücumçu "Sumqayıt"a səfərdə 1:0 hesabı ilə qalib gəldikləri Azərbaycan Kubokunun 1/4 final mərhələsinin ilk oyuna toxunub. Utriq iki ilə yaxın Azərbaycanda olduğunu bildirərək bu səbəbdən həmin qarşılaşmadakı soyuq havanın ona təsir etmədiyi sözlərini də əlavə edib: "Kubokun ilk matçında vacib nəticə qazandıq. Evdəki cavab görüşünə kiçik üstünlüklə çıxacağıq. Doğma meydanda öz oyunumuzu diktə etməliyik. Hələlik heç nə müəyyən edilməyib".
Qeyd edək ki, "Qəbələ" və "Sumqayıt" komandaları arasındakı cavab görüşü fevralın 13-də olacaq.