Riçard Almeyda “Qarabağ”ın heyətində 200-cü çempionat matçına çıxıb. Corner.az xəbər verir ki, bu, Premyer Liqanın 15-ci turunun “Neftçi” ilə görüşünə təsadüf edib. Yubilyar komandasının 2:1 hesabı ilə qalib gəldiyi matça kapitan kimi çıxıb.
32 yaşlı yarımmüdafiəçi 2012/13 mövsümündən fasilələrlə “Qarabağ”ın formasını geyinir. Riçard bu matçlarda 44 qol vurub. Almeyda klub tarixinə ölkə çempionatında 200 və daha çox matç keçirən 11-ci futbolçu kimi düşüb.
