"Qarabağ”ın baş məşqçisi Qurban Qurbanov Azərbaycan Kubokunun 1/4 final mərhələsi çərçivəsində “Keşlə”yə qarşı keçirdikləri cavab oyunla (6:0, ilk oyun 1:0) bağlı fikirlərini bölüşüb. Corner.az xəbər verir ki, o, 0:6 hesabı ilə qələbə qazandıqları matçı belə şərh edib:
“Öz komandam üçün yaxşı oyun oldu. Heyətdə xeyli rotasiya etmişdik. Bəzi futbolçular çox istəkli idilər. Bunun faydası çox oldu. Hesabda öndə olsaq da, nizam-intizamı qoruyub-saxlaya bildik. Komandamı təbrik edirəm. Rəqibdə yorğunluq hiss olunurdu. Bəlkə də buna görə bizim üçün asan oldu. Halbuki “Keşlə”yə qarşı matçlarımız hər zaman ağır keçib.
Ramil Şeydayevin sağ cinaha çəkilməsi gedişatdan asılı oldu. Hesab da buna imkan verirdi. Bəzi futbolçularımıza görə narahat idik. Buna görə dəyişikliklərə əl atdıq. Heç də pis alınmırdı. Ramili müdafiəyə çəksək də, arxada görmürdüm, ancaq hücumda idi”.