- Misli Premyer liqa
- 11:11 23.10.2024
"Çıxışımdan razı qalmadım, amma oyun pis alınmadı".
Corner.az-ın məlumatına görə, bunu "Qarabağ"ın futbolçusu Musa Qurbanlı səfərdə "Keşlə"ni 6:0 hesabı ilə qalib gəldikləri Azərbaycan Kubokunun 1/4 final mərhələsinin cavab oyunundan sonra "CBC Sport"a açıqlamasında deyib.
Matçın 78-ci dəqiqəsində komandasının 5-ci qolunu vuran 19 yaşlı hücumçu hansı mövqedə çıxış etməyin fərqi olmadığını bildirib: "Akademiyada olarkən yarımmüdafiə xəttində oynamışam. Mənim üçün hansı mövqedə çıxış etməyin fərqi yoxdur. Önəmli olan nəticədir".
43-cü dəqiqədə komandasına penalti qazandıran Qurbanlı topa yaxınlaşmamasının səbəbini də açıqlayıb: "Məşqçilərin tapşırığı belə idi. Ona görə də topa yaxınlaşmadım. Penaltini vurmağı Ramilə tapşırmışdılar, o da vurdu".