Futbol üzrə Azərbaycan Premyer Liqasında 16-cı turun oyunları keçirilib. Corner.az xəbər verir ki, bu gün daha bir qarşılaşma baş tutub.
“Zirə” doğma meydanda “Sabah”ı qəbul edib. Hər iki komandanın avrokuboklara vəsiqə qazanmağa iddialı olduğu üçün oyun gərgin keçib. Belə ki, görüş meydan sahiblərinin qələbəsi ilə başa çatıb.
Xatırladaq ki, ilk oyun günündə “Qəbələ” evdə “Səbail”ə (2:0), “Neftçi” isə “Keşlə”yə (3:1) qalib gəlib. “Qarabağ” - “Sumqayıt” matçı isə Ağdam təmsilçisinin Avropa Konfrans Liqasında Marsel “Olimpik”i (Fransa) ilə pley-off oyunlarına görə mayın 12-nə təxirə salınıb.
Azərbaycan Premyer Liqası
16-cı tur
20 fevral
“Zirə” – “Sabah” 2:0
Qol: H.Keyta, 63; 90+3.
Hakimlər: Kamal Umudlu, Rəhman İmami, Vüsal Məmmədov, Elçin Məsiyev.
Zirə İdman Kompleksinin stadionu, 17:00.
