Qol fürsətlərindən istifadə etməkdə çətinlik yaşadıq

"Sumqayıt”ın baş məşqçisi Aleksey Baqa Azərbaycan Premyer Liqasının 18-ci turu çərçivəsində “Zirə”yə qarşı keçirdikləri oyunla bağlı fikirlərini bölüşüb.

Corner.az xəbər verir ki, o, səfərdə 0:1 hesabıyla uduzduqları matçdan sonra baş tutan mətbuat konfransında bunları söyləyib: 

"Hər iki komandanın timsalında yaxşı oyun izlədik. Kifayət qədər qol imkanı oldu. Yenə də fürsətlərdən istifadə etməkdə çətinlik yaşadıq. Burada kompleks səbəblər var. Hansısa nüansı fərqləndirə bilmərəm. Burada bəxtsizlik, rəqibin oyunu və ustalıq səviyyəsini qeyd etmək olar.Amma mövsüm davam edir. Öz üzrəimizdə işləyəcək, qol vurmaqla bağlı problemi aradan qaldıracağıq. İnanıram ki, oyundan-oyuna daha yaxşı çıxış edəcəyik. Futbolda qara zolaq olur. Bu, həm normal, həm də anormal vəziyyətdir".