Qəbələ ilə Zirə'dən heç-heçə

Bu gün futbol üzrə Azərbaycan Premyer Liqasında 19-cu tura yekun vurulub.

Corner.az xəbər verir ki, “Qəbələ” doğma meydanda “Zirə”ni qəbul edib. Bu komandalar dünən gün üz-üzə gəlsə də, Qəbələyə yağan güclü qar səbəbindən matç yarımçıq qalmışdı. Bu üzdən də qarşılaşma bu gün qaldığı yerdən – 65 dəqiqədən davam etdirilib. Lakin bu oyunda qapılara qol vurulmayıb. Beləcə, tərəflər hərəyə 1 xalla kifayətləniblər.

Bu nəticədən sonra 35 xalı olan paytaxt təmsilçisi ikinci, 33 xalı olan “qırmızı-qaralar” isə dördüncü sırada pillədə qərarlaşıb.

19-cu turun əvvəlki oyunlarında “Keşlə” “Səbail”ə (3:0), “Qarabağ” “Sabah”a (1:0), “Neftçi” isə “Sumqayıt”a (2:1) qalib gəlib.

Azərbaycan Premyer Liqası
19-cu tur
14 mart

“Qəbələ” – “Zirə” 0:0
Hakimlər: Əliyar Ağayev, Zeynal Zeynalov, Akif Əmirəli, Tural Qurbanov.
Qəbələ şəhər stadionu.