Peşəkar Futbol Liqası (PFL) Qəbələdəki daha bir oyunun vaxtını hava şəraitinə görə dəyişib. Corner.az qurumun rəsmi saytına istinadən xəbər verir ki, martın 16-da təşkili planlaşdırılan Birinci Divizionun 18-ci turunun “Qəbələ-2” – “Səbail-2” görüşü 14:00-dan 13:00-a keçirilib.
Bundan əlavə, "Zaqatala” – MOİK matçı da eyni saatda start götürəcək. “Qəbələ-2” – “Səbail-2” görüşü Qəbələ şəhər stadionunun əsas meydançasında baş tutacaq.
Xatırladaq ki, Azərbaycan Premyer Liqasının 19-cu turunda "Qəbələ" - "Zirə" oyun ötən gün qara görə təxirə salınmışdı. Həmin görüş bu gün qaldığı yerdən davam etdirilib və qolsuz başa çatıb.
