“Keşlə"nin Şamaxıdakı ilk oyununun vaxtı yaxın zamanda məlum olacaq. Corner.az xəbər verir ki, bu barədə Peşəkar Futbol Liqasının Mətbuat və ictimaiyyətlə əlaqələr departamentinin rəhbəri Aslan Şahgəldiyev Futbolpress.az-a açıqlamasında bildirib. O, qarşıdakı günlərdə bununla bağlı rəsmi açıqlamanın veriləcəyini söyləyib.
"Biz tərəfdən "Sumqayıt"la oyunun martın 18-də Şamaxıda keçirilməsi ilə bağlı rəsmi bir açıqlama olmayıb. "Sumqayıt"la XX tur oyunu Bakıda olacaq. Şamaxıdakı matçın nə vaxt olacağı ilə bağlı qarşıdakı günlərdə rəsmi açıqlama veriləcək.
Ötən həftə PFL-in nümayəndələri Şamaxı şəhər stadionunda təftişdə olub. Stadionda böyük problemlər yoxdur. Xırda detallar var ki, onlar aradan qaldırılmalıdır. Başqa bir problem yoxdur. "Keşlə"nin Şamaxıdakı ilk oyununun zamanını isə açıqlayacağıq".
