Neftçi - Qəbələ matçında insident yaşandı

 Premyer Liqanın XX tur çərçivəsində keçirilən "Neftçi" - "Qəbələ" matçında insident baş verib.

Corner.az-ın məlumatına görə, buna səbəb meydan sahiblərinin kapitanı Emin Mahmudovun zədələnməsinə baxmayaraq qonaqların topu meydandan çıxarmaması  olub.

"Flaqmanlar"ın müdafiəçisi Voislav Stankoviç əyalət təmsilçisinin oyunçularına sərt şəkildə etiraz edih. Serbiyalı futbolçu xüsusilə İsnik Alimiyə iradını çatdırıb.

Lakin görüşün baş hakimi Elçin Məsiyev mübahisənin böyüməsinə imkan verməyərək, Stankoviçi sarı vərəqə ilə cəzalandırılıb.

Qeyd edək ki, hazırda matçda ikinci hissə oynanılır və "Neftçi" hesabda öndədir - 2:0.