Neftçi yubileyində Qəbələ'ni darmadağın etdi

Bu gün Azərbaycan Premyer Liqasında 20-ci tura start verilib. Corner.az xəbər verir ki, ilk oyun günündə iki qarşılaşma baş tutub.

Turun açılış matçında “Keşlə” doğma meydanda “Sumqayıt”ı qəbul edib. Tərəflər bu oyundan hərəyə 1 qol və 1 xalla ayrılıblar.

Günün digər matçında “Neftçi” doğma meydanda “Qəbələ” ilə üz-üzə gəlib. Bu matç meydan sahiblərinin 85 illik yubileyinə görə saat 19:37-də start götürüb. Bu, Peşəkar Futbol Liqasının “Neftçi”yə yubiley jesti idi. Belə ki, martın 18-də bu klubun yaranmasının 85-ci ili tamam olur. Qarşılaşma isə meydan sahiblərinin darmadağınlı qələbəsi ilə yekunlaşıb.

Azərbaycan Premyer Liqası
20-ci tur
18 mart

“Keşlə” – “Sumqayıt” 1:1
Qol: A.Yunanov, 45 – F.Flores, 57-öz qapısına.
Hakimlər: Vüqar Həsənli, Kamran Bayramov, Eyyub İbrahimov, Fərid Hacıyev.
Bakı. “ASK Arena”, 17:00.

“Neftçi” – “Qəbələ” 4:0
Qol: E.İsrafilov, 7; 90+5. M.Mbodj, 17. G.Pato, 81.
Hakimlər: Elçin Məsiyev, Elşad Abdullayev, Pərvin Talıbov, Rauf Allahverdiyev.
Bakı. “Bakcell Arena”, 19:37.