Avrokuboklara vəsiqə uğrunda əlimizdən gələni edəcəyik

"Mövsümün əvvəlindən avrokuboklara vəsiqə qazanmaq üçün mübarizə aparırıq".

Corner.az-ın məlumatına görə, bunu "Qəbələ" klubunun braziliyalı futbolçusu Rafael Utriq ölkəsinin "Terra" nəşrinə açıqlamasında deyib.

24 yaşlı hücumçu bildirib ki, üzərlərində çox işləmələdirlər: "Bu səbəbdən üzərimizdə daha çox işləməyə davam etməliyik. Klub beynəlxalq yarışlarda iştiraka öyrəşib və ümid edirik ki, bu mövsümdə də bunu bacaracağıq".

Utriq ölkə kubokunun yarımfinalında "Qarabağ"a qarşı iki çətin matçın olacağı sözlərini də əlavə edib: "İstər Azərbaycan Kuboku, istərsə də Premyer Liqa vasitəsi ilə avrokuboka vəsiqə uğrunda əlimizdən gələni edəcəyik".

Qeyd edək ki, "Qəbələ" və "Qarabağ" komandaları arasında ölkə kubokunun yarımfinal mərhələsinin ilk qarşılaşması aprelin 20-də, cavab oyunu isə aprelin 29-da olacaq. "Qırmızı-qaralar" Premyer Liqada 20 turdan sonra 33 xalla 4-cü pillədə qərarlaşıb.