Qəbələ Keşlə'ylə, Neftçi Zirə'ylə sülh bağladı

Bu gün Azərbaycan Premyer Liqasında 21-ci tura yekun vurulub. Corner.az xəbər verir ki, sonuncu oyun günündə də iki qarşılaşma baş tutub.

Əvvəlcə “Qəbələ” doğma meydanda “Keşlə” ilə üz-üzə gəlib. Bu görüşdə tərəflər meydanı hərəyə 1 qol və 1 xalla tərk ediblər.

Turun qapanış matçında isə lider “Qarabağ”ın iki əsas izləyicisi olan  “Neftçi” və “Zirə” komandaları qarşılaşıb. Bu görüşdə də “Neftçi” “Zirə”yə məğlubiyyətdən son dəqiqədə xilas ola bilib.

İlk oyun günündə “Qarabağ” doğma meydanda “Səbail”ə 5:1 qalib gəlibsə, “Sabah” “Sumqayıt”ı səfərdə 3:0 hesabıyla yenib.

Azərbaycan Premyer Liqası
21-ci tur
3 aprel

“Qəbələ” – “Keşlə” 1:1
Qol: O.Hani, 47 – M.Giqauri, 32.
Qırmızı vərəqə: T.Quliyev, 51.
Hakimlər: Fərid Hacıyev, Müslüm Əliyev, Kamran Bayramov, Namiq Bəkirov.
Qəbələ şəhər stadionu, 15:00.

“Neftçi” – “Zirə” 1:1
Qol: T.Bezerra, 90+6-pen – A.Ayzaya, 88.
Qırmızı vərəqə: E.İsrafilov, 77 (ikinci sarı) – C.Diniyev, 59 (ikinci sarı).
Hakimlər: İnqilab Məmmədov, Namiq Hüseynov, Rahil Ramazanov, Vüqar Həsənli.
Bakı. “Bakcell Arena”, 17:15.