"Neftçi” Premyer Liqanın 22-ci turunda qarşılaşacağı “Şamaxı” ilə oyunun hazırlığını davam etdirir. Corner.az xəbər verir ki, “Zirə” ilə görüşün ertəsi bərpa məşqi edən “ağ-qaralar” birgünlük fasilədən sonra aprelin 6-da hazırlığa başlayıb.
Bu gün “Türk Hava Yolları Futbol Mərkəzi”ndə baş tutan növbəti məşqdə əsasən toplu və taktiki çalışmalar yerinə yetirilib. "Ağ-qaralar" sabah eyni məkanda oyunöncəsi son məşqini keçəndən sonra Şamaxıya yola düşəcək.
Qeyd edək ki, “Şamaxı” – “Neftçi” matçı aprelin 9-da Şamaxı şəhər stadionunda keçiriləcək. Oyuna saat 14:00-da start veriləcək.
