Zirə və Neftçi'dən vacib qələbə

Bu gün futbol üzrə Azərbaycan Premyer Liqasında 23-cü tura yekun vurulub. Corner.az xəbər verir ki, sonuncu oyun günündə daha iki qarşılaşma baş tutub.

Əvvəlcə “Zirə” doğma meydanda “Səbail”lə qarşılaşıb. Üç qolun qeydə alındığı bu oyunda meydan sahibləri qələbə qazanıb.

Turun qapanış matçında isə “Neftçi” doğma meydanda “Sabah”la üz-üzə gəlib. Bu oyunda da meydan sahibləri minimal hesabla qalib gəlib.

Azərbaycan Premyer Liqası
23-cü tur
16 aprel

“Zirə” – “Səbail” 2:1
Qol: H.Keyta, 32; 34-pen – N.Raysel, 90+4-pen.
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev.
Zirə İdman Kompleksinin stadionu, 18:15.

“Neftçi” – “Sabah” 1:0
Qol: B.Həsənalızadə, 5-öz qapısına.
Hakimlər: Kamal Umudlu, Rəhman İmami, Müslüm Əliyev, Tural Qurbanov.
Bakı. “Bakcell Arena”, 20:30.