Qarabağ'dan Qəbələdə inamlı qələbə, Zirə və Neftçi'dən heç-heçə

Bu gün Azərbaycan kubokunda yarımfinal mərhələsinin ilk oyunları keçirilib. Corner.az xəbər verir ki, bu mərhələnin ilk oyunu Qəbələdə baş tutub.

Burada “Qəbələ” doğma meydanda “Qarabağ”ı qəbul edib. Premyer Liqada rəqibləri üçün əlçatmaz olan Ağdam təmsilçisi elə bu görüşdə də qələbəyə sevinən tərəf olub.

Çempionatda avrokuboklara vəsiqə uğrunda iddiasını davam etdirən “Zirə” doğma meydanda “Neftçi”ylə üz-üzə gəlib. Bu görüşdə qapılara qol vurulmayıb.

Yarımfinalın cavab oyunları aprelin 29-da keçiriləcək.

Azərbaycan kuboku
Yarımfinalın ilk oyunları
20 aprel

Qəbələ – Qarabağ 1:3
Qol: A.Məmmədov, 5 – İ.İbrahimli, 16. İ.Vadji, 87. K.Borges, 90+3-pen.
Hakimlər: Kamal Umudlu, Rəhman İmami, Vüsal Məmmədov, Rauf Allahverdiyev.
Qəbələ şəhər stadionu, 17:30.

Zirə – Neftçi 0:0
Hakimlər: Rauf Cabarov, Namiq Hüseynov, Cavanşir Yusifov, Vüqar Həsənli.
Zirə İdman Kompleksinin stadionu, 20:00.