Ölkəmizi avrokuboklarda təmsil edəcək daha bir komandanın adı bu gün dəqiqləşə bilər. Corner.az xəbər verir ki, Azərbaycan Premyer Liqasının XXV turunda "Qəbələ"ni qəbul edəcək "Zirə" qələbə sayədində ən azı 4-cü yeri özü üçün təmin edəcək. Bununla, Rəşad Sadıqovun komandası Konfrans Liqasında iştirak hüququ qazanacaq.
Oyun saat 17:45-də başlayacaq.
"Zirə" indiyədək bir dəfə avrokuboklarda mübarizə aparıb. Paytaxt təmsilçisi 2017-2018 mövsümündə - Ayxan Abbasovun baş məşqçiliyi ilə ölkəmizi Avropa Liqasında təmsil edib. Komanda ilk mərhələni keçsə də, 2-ci raundda uduzaraq mübarizəni dayandırıb.
Xatırladaq ki, artıq yeni mövsüm üçün "Neftçi" Konfrans Liqasına, "Qarabağ" isə Çempionlar Liqasına vəsiqə təmin edib.
