Azərbaycan Premyer Liqasında 25-ci tur çərçivəsində “Sabah” səfərdə “Qarabağ”la qarşılaşıb. Corner.az xəbər verir ki, “Azersun Arena”da keçirilən matç 1:1 hesablı bərabərliklə yekunlaşıb.
Görüş Masazır təmsilçisinin braziliyalı futbolçusu Kristian da Silva üçün əlamətdar olub. Matçın 60-cı dəqiqəsində cərimə zərbəsindən gözəl qola imza atan yarımmüdafiəçi “Sabah”da qol hesabını açıb. Kristian buna komandanın heyətində 10-cu oyununda nail olub.